Kuzuia mawasiliano na akaunti ya unyanyasaji na kuzuia kufichuliwa kwa maudhui ya matusi – kupitia vipengele kama vile kuzuia, kuzima na kuwekea vikwazo – kunaweza kukusaidia kujikinga na mwenendo usiofaa au unaodhuru.
Kumbuka, hata hivyo, kwamba vipengele hivi ni tofauti na kila kimoja kina faida. Ili kutumia vipengele hivi kwa ufanisi, ni muhimu kuelewa kile wanachofanya.
[ONGEZA PICHA YENYE MAELEZO HAPA]
Kuzuia
Kuzuia hukuruhusu kupunguza mawasiliano na watumizi, haswa: “1) kuzuia ufikiaji ambao akaunti inayo kwa maudhui na wasifu wako na 2) kufanya maudhui yaliyoundwa na akaunti iliyozuiwa yasionekane tena kwako.”** Mifumo mingi mikuu hukuwezesha kuzuia akaunti zisiwasiliane kupitia maoni na DM.
Kuzima/nyamazisha
Kuzima au kunyamazisha hukuruhusu kuficha maudhui mahususi yenye matusi—lakini kutoka kwako tu. Kwa muhtasari, kuzima “hukuwezesha kuondoa sehemu mahususi ya maudhui, mtumiaji, au nenomsingi kutoka kwa mpasho na/au arifa zako ili isionekane kwako tena kwa chaguomsingi.”** Kulingana na jukwa, unaweza kunyamazisha: akaunti; maoni; DMs; arifa; na maudhui mahususi, kwa nenomsingi na kibwagizo (hashtagi), kwenye mpasho wako. Kuahirisha na kuficha mara nyingi hufanana kabisa na kunyamazisha.
Kuwekea Vikwazo
Kuzuia kunamaanisha vitu tofauti kabisa kwenye majukwa tofauti (tazama maelezo hapa chini). Kipengele cha Kuwekea vikwazo kwenye Instagram, kilichotolewa mwaka wa 2019, ni muhimu sana. Kwa kuwekea vikwazo akaunti ya unyanyasaji kwenye Instagram, unaweka maoni yote kutoka kwa akaunti hiyo kwenye machapisho yako nyuma ya skrini, ambayo unaweza kuchagua kukagua na kuamua ikiwa utachapisha, kufuta au kuacha “yakisubiri” kwa muda usiojulikana. Watumiaji vibaya hawataarifiwa kwa ukweli kwamba uwezo wao wa kuwasiliana nawe umepunguzwa (jambo ambalo hufanya kuwekea vikwazo kuwa tofauti na kuzuia). Mnyanyasaji pekee ndiye anayeweza kuona maudhui ya matusi—wewe na watumiaji wengine wote kwenye machapisho yako hamwezi (jambo ambalo hufanya kuwekea vikwazo kuwa tofauti na kunyamazisha).
Ya Kuzingatia akilini
Kuzuia na kuzima, ingawa vipengele muhimu sana katika baadhi ya miktadha, vinaweza kuwa na vikwazo kwa watumiaji walio katika mazingira magumu, hasa wanahabari na waandishi. Baada ya kuzuia au kuzima mnyanyasaji mwenye matusi, machapisho au ujumbe kukuhusu unaweza kuendelea kuenea katika mijadala hiyo hiyo bila ufahamu wako, hivyo basi kuongeza wasiwasi mpya kuhusu maudhui ambayo huyaoni. Kumwomba mtu unayemwamini afuatilie ujumbe au mitajo inayohusishwa na jina lako la mtumiaji kunaweza kusaidia kupunguza wasiwasi huu. Unapaswa pia kufahamu kwamba katika baadhi ya matukio, kuzuia kunaweza kuzidisha au kueneza unyanyasaji kwa sababu wanyanyasaji wanaweza kuona kwamba wamezuiwa na wakati mwingine watasifia hilo kwa wengine.
Nana Kwamboka meneja wa redio ya Egesa FM. Nana amenyanyaswa na kudhulumiwa mtandaoni. “Ninazuia akaunti za watu ambao mara kwa mara wanaendelea kunitusi na kuninyanyasa, kwa sababu mwishowe huathiri ustawi wangu wa akili, kila wakati ninasoma maoni yao machafu. “, anaiambia PEN America.
Kuzima, kuficha au kuwekea vikwazo kunaweza kutoa njia mbadala nzuri za kuzuia kwa sababu wanyanyasaji hawajui kuwa wamenyamazishwa, wamefichwa au wamewekewa vikwazo. Hatimaye, ni wewe tu unaweza kuamua ni nini kinachofaa kwako. Ukiamua kuwa kipengele chochote kati ya hivi kitakupa njia muhimu ya kukabiliana na mnyanyasaji—hata kwa muda mfupi—angalia orodha ya zana na programu mahususi hapa chini.
Jukwa kwa Jukwa
Kila moja ya vipengele hivi hufanya kazi tofauti kidogo kwenye kila jukwaa (jambo ambalo linachanganya sana!). Kadiri vipengele vya makampuni ya teknolojia vinavyobadilika, tutafanya tuwezavyo kusasisha maelezo hapa chini.
- Kipengele cha Ndani ya Jukwaa: Kuzuia
KUMBUKA: Unapomzuia mnyanyasaji kwenye Twitter, hataona taarifa yoyote kwenye wasifu wako, lakini atajua kuwa amezuiwa.
- Kipengele cha Ndani ya Jukwaa: “Kuzima” kwenye Twitter
KUMBUKA: Unaweza kuzima akaunti nzima na twiti za mtu binafsi kwa maneno muhimu, misemo, kibwagizo (hashtagi) na emoji, ikijumuisha kwa muda mfupi. Huwezi kunyamazisha DM, hata hivyo, lakini unaweza kuzima arifa zinazotangaza DM. Mnyanyasaji hatajua ikiwa utamzima.
- Kipengele cha Ndani ya Mfumo: Kuwekea vikwazo Majibu
KUMBUKA: Unaweza kuwekea vikwazo majibu kwa Tweets zako ili ama “Kila mtu,” “Watu unaofuata,” au “Watu unaowataja pekee” wanaweza kujibu. Hii inaweza kupunguza uwezo wa mnyanyasaji kukunyanyasa katika majibu ya Tweets zako.
- Kipengele cha Ndani ya Mfumo: Kuficha Majibu
KUMBUKA: Ikiwa hutaki kuwekea vikwazo kwenye majibu ya Twiti zako ili watu unaowafuata au kuwataja pekee waweze kutoa maoni, lakini unajali kuhusu akaunti au maoni mahususi, unaweza kuficha majibu ambayo hutaki yaonekane. Watu bado wanaweza kufikia majibu yaliyofichwa, lakini watalazimika kubofya ikoni iliyofichwa ili kufanya hivyo.
- Kipengele cha Ndani ya Jukwaa: Kichujio cha Arifa
KUMBUKA: Unaweza kutumia vichujio kwenye arifa zako, ikijumuisha kuwasha “Kichujio cha Ubora” (kwa mfano, hakuna arifa za nakala rudufu au za kiotomatiki) na “Vichujio vya Juu” (kwa mfano, hakuna arifa kutoka kwa akaunti ambazo hufuati. bila nambari ya simu, nk).
- Zana ya Watu Wengine: Zuia Mtu
Programu inayokupa udhibiti zaidi wa kuzuia wanyanyasaji na kukagua maudhui yaliyozimwa. Unaweza kuweka vizuri ni maudhui gani unataka kuyazima, ambayo yanachujwa hadi kwenye Folda ya Kufungia, ambapo yanaweza kukaguliwa na kudhibitiwa wakati wowote. Unaweza kukabidhi wasaidizi (marafiki unaowaamini ambao wanaweza kupanga maudhui yasiyotakikana) ili kukusaidia kuzuia, kuzima, kufuatilia vitisho, n.k.
- Kipengele cha Ndani ya Jukwaa: Kuzuia Akaunti au Kuzuia Ujumbe
KUMBUKA: Unaweza kuzuia akaunti na/au ujumbe kwenye Facebook.
- Kipengele cha Ndani ya Jukwaa: Kuzima/nyamazisha
KUMBUKA: Kwenye Facebook, hakuna kitu sawia na kunyamazisha, lakini unaweza kuahirisha akaunti au vikundi kwa siku 30, kuzima hadithi za watumiaji wengine, kuacha kabisa kufuata machapisho bila kuacha kufuata akaunti, na kuacha urafiki na akaunti kabisa. Kwa Kurasa za Facebook, unaweza kuzuia maoni yenye manenomsingi fulani yasionekane kwenye Ukurasa wako. Kwa Wasifu wa Facebook, hata hivyo, huwezi kuchuja maoni kwa maneno muhimu.
- Kipengele cha Ndani ya Jukwaa: Orodha yenye Mipaka
KUMBUKA: Ikiwa ungependa kuzuia mwonekano wa maelezo kwenye wasifu wako wa Facebook kwa marafiki maalum, bila kuachana nao, unaweza kuwaongeza kwenye Orodha yako yenye Mipaka—basi wataweza tu kuona maelezo yako mafupi ya umma.
- Kipengele cha Ndani ya Jukwaa: Kuficha na Kufuta Maoni
KUMBUKA: Unaweza kuficha maoni kwenye machapisho yako ili yaonekane tu na mtumiaji aliyechapisha maoni na marafiki zake, au unaweza kufuta maoni kabisa.
● Kipengele cha Ndani ya Jukwaa: Kuzuia
KUMBUKA: Unapozuia kwenye Instagram, akaunti yako hutoweka kabisa kutoka kwa maoni ya mnyanyasaji aliyezuiwa; wanaweza kuona maoni yako kwenye machapisho ya watu wengine, lakini hawawezi kuingiliana na maoni yako. Instagram itaondoa maoni na vipendwa kutoka kwa akaunti zilizozuiwa.
- Kipengele cha Ndani ya Jukwaa: Kuzima/nyamazisha
KUMBUKA: Instagram hukuwezesha kunyamazisha machapisho au hadithi, kuchuja maoni kwa maneno muhimu au vichungi vilivyowekwa awali, na kunyamazisha akaunti kabisa.
- Kipengele cha Ndani ya Jukwaa: Kuwekea vikwazo
KUMBUKA: Unapowekea vikwazo akaunti kwenye Instagram, akaunti iliyowekewa vikwazo haiwezi kuona ukiwa mtandaoni au ikiwa umesoma jumbe zake. Maoni yao kwenye machapisho yako yatasalia kufichwa (kutoka kwako na kwa watumiaji wengine wote) isipokuwa ukichagua kutazama maoni na kuidhinisha yaonekane na wengine.
- Kipengele cha Ndani ya Jukwaa: Kuficha Hadithi
KUMBUKA: Unaweza kuficha machapisho kwenye hadithi yako ya Instagram kutoka kwa watumiaji fulani bila wao kuarifiwa.
● Kipengele cha Ndani ya Jukwaa: Kuzuia
KUMBUKA: Kwenye WhatsApp, unaweza tu kuzuia akaunti binafsi. Huwezi kuzuia vikundi; utahitaji kuondoka kwenye kikundi ili kuacha kupokea jumbe za kikundi hicho. Unapomzuia mtu binafsi, akaunti hiyo haiwezi tena kuona hali yako iliyosasishwa.
- Kipengele cha Ndani ya Jukwaa: Kuzima arifa za kikundi na Kuzima anwani
KUMBUKA: Unaweza kunyamazisha arifa za kikundi kwa muda maalum. Bado utapokea ujumbe unaotumwa kwa kikundi, lakini simu yako haitatetemeka au kufanya kelele unapopokelewa. Unaweza kunyamazisha masasisho ya hali ya mtu mahususi ili yasionekane tena juu ya kichupo cha Hali. Unaweza pia kuficha picha yako ya wasifu kutoka kwa watu ambao hawako katika anwani zako.
Signal
- Kipengele cha Ndani ya Jukwaa: Kuzuia
KUMBUKA: Kwenye Signal, unaweza kuzuia watumiaji au vikundi. Watumiaji waliozuiwa hawataweza kukupigia simu au kukutumia ujumbe kupitia Signal.
- Kipengele cha Ndani ya Jukwaa: Chaguo za Arifa za Ndani ya Programu
KUMBUKA: Kwenye Signal, unaweza kunyamazisha arifa na kuamua ni muda gani ungependa zinyamazishwe (km. saa moja, saa nane, siku moja, siku saba au kila mara).
● Kipengele cha Ndani ya Jukwaa: Zuia au Ondoa Kizuizi kwa Mwanachama
KUMBUKA: Kwenye Linkedin, Unaweza kumzuia mshiriki kutazama wasifu wako, kwa kutumia kompyuta ya mezani au kifaa cha rununu. Mara tu unapomzuia mwanachama, ataonekana kwenye orodha yako iliyozuiwa. Mwanachama aliyezuiwa hatapokea arifa yoyote ya kitendo hiki. Ikiwa unamzuia mtu ambaye kwa sasa au hapo awali umeshiriki naye akaunti ya LinkedIn Recruiter, LinkedIn inahifadhi haki ya kumjulisha mwanachama huyu wa kikundi chako.
- Kipengele cha Ndani ya Jukwaa: Fuata, Wacha Kufuata au Zima Watu
KUMBUKA: Kutomfuata au kunyamazisha mtu kutaficha masasisho yote kutoka kwake kwenye mpasho wako wa LinkedIn. Iwapo umeunganishwa na mtu na ukachagua kuacha kumfuata au kumnyamazisha, utaendelea kuunganishwa, lakini hutaona masasisho yake. Hawataarifiwa kuwa umeacha kuzifuata au kuzinyamazisha. Wanachama wa LinkedIn watapokea arifa ikiwa utaanza kuwafuata tena.
SnapChat
- Kipengele cha Ndani ya Jukwaa: Ondoa na Uzuie Marafiki
KUMBUKA: Unapomzuia rafiki, hataweza kuona Hadithi au Hirizi zako, au kukutumia Snap au Gumzo. Kuondoa, kuzuia, au kunyamazisha rafiki kunapaswa kuwaondoa kwenye skrini ya Hadithi.
- Kipengele cha Ndani ya Jukwaa: Arifa (arifa za iOS na arifa za Android)
KUMBUKA: Unaweza kuzima arifa za Snapchat (na kuwasha tena) wakati wowote. Unaweza pia kudhibiti arifa za marafiki kutoka kwa Wasifu wa Urafiki. Unaweza pia kudhibiti arifa kutoka kwa Hadithi. Ikiwa ungependa kudhibiti arifa kutoka kwa Hadithi, utahitaji kuwasha arifa za Snapchat katika mipangilio ya kifaa chako. Kwa kuongeza, chaguo la kunyamazisha hadithi linapatikana tu kwa Hadithi za marafiki, Hadithi za Kikundi na Hadithi Maarufu ambazo umejiandikisha kwazo.
TikTok
● Kipengele cha Ndani ya Jukwaa: Kuzuia Watumiaji
KUMBUKA: Kuzuia watumiaji huwazuia kutazama video zako au kujihusisha nao
kupitia DMs, maoni, wafuataji au ulizopenda. TikTok haimjulishi mtumiaji
unapowazuia. Unaweza pia kuzuia akaunti kwa wingi.
- Kipengele cha Ndani ya Jukwaa: Ongeza Vichujio vya Maoni kwa Video Unazochapisha
KUMBUKA: Zana hii hukuruhusu kuchuja maoni yote, kuchuja barua taka au maoni yanayokera, au chujio kwa nenomsingi. Ukichuja maoni kwa nenomsingi, unaweza kuongeza maneno muhimu ambayo yatafichwa yasitazamwe isipokuwa utayakayo idhinisha. Hii inaweza kupunguza uwezo wa mnyanyasaji kukunyanyasa katika majibu ya video zako.
- Kipengele cha Ndani ya Jukwaa: Dhibiti mipangilio ya faragha ya maoni kwa video zako zote
KUMBUKA: Unaweza kuchagua ni nani ungependa kutoa maoni kwenye video yako moja au zote.
- Kipengele cha Ndani ya Jukwaa: Chagua ni nani anayeweza kutoa maoni katika mipangilio yako:
KUMBUKA: Unaweza kuweka vikwazo majibu kwa video ili “kila mtu,” “wafuasi,” au “marafiki” waweze kujibu.
- Kipengele cha Ndani ya Jukwaa: Kagua maoni yako yaliyochujwa
KUMBUKA: Kipengele hiki hukuruhusu kukagua maoni ambayo ulichuja kwenye dashibodi.
- Kipengele cha Ndani ya Jukwaa: Chagua ni nani anayeweza kuandaa video zako
KUMBUKA: Unaweza kurekebisha mipangilio ya kufanya video wakati wa kupakia video au kurekebisha mipangilio kwa video ambayo tayari umepakia.
- Kipengele cha Ndani ya Jukwaa: Kituo cha Usalama
KUMBUKA: Kituo cha Usalama kinawapa watumiaji wa Tik Tok miongozo ya ustawi, nyenzo za unyanyasaji wa kijinsia, na taarifa kuhusu matatizo ya ulaji na changamoto za mtandaoni.
- Kipengele cha Ndani ya Jukwaa: Hali yenye Mipaka
KUMBUKA: Hali yenye Mipaka ni chaguo katika kiwango cha mipangilio ya akaunti ambayo inazuia kuonekana kwa maudhui ambayo huenda yasifae hadhira zote.
YouTube
- Kipengele cha Ndani ya Jukwaa: Kuzuia mtoa maoni
KUMBUKA: Kwenye YouTube, unaweza kuzuia watumizi mahususi wasitoe maoni kwenye video zako, lakini bado wanaweza kuona video zozote unazochapisha hadharani.
Medium
- Kipengele cha Ndani ya Jukwaa: Kuzuia
Mwongozo wa hatua kwa hatua wa kuzuia wanyanyasaji kwenye Medium
- Kipengele cha Ndani ya Jukwaa: Kuficha au Kulemaza Maoni
KUMBUKA: Unaweza kuficha maoni ya mtu binafsi kwenye machapisho yako ya Medium au kufunga mjadala kabisa, kwa kulemaza maoni kwenye chapisho.
WordPress
- Zana ya Wengine: Programu-jalizi ya Kizuia Mtumiaji kwenye WordPress
Programu-jalizi inayotoa uwezo wa wasimamizi wa WordPress kuzuia na kufungua akaunti za watumiaji “haraka na kwa urahisi”
- Zana ya Wengine: Kuzuia anwani ya IP kwenye WordPress
Taarifa za kuzuia anwani za IP za akaunti hatari za barua taka na wavamizi watarajiwa
**Zana ya Kudhibiti Maudhui ya Meedan
